You are here

Бұйрықтар

Отандық тауар өндірушілердің және жұмыстарды, көрсетілетін қызметтерді отандық жеткізушілердің тізілімін қалыптастыру және жүргізу қағидасын бекіту туралы

«Мемлекеттік қорғаныстық тапсырыс туралы» Қазақстан Республикасының 2001 жылғы 19 қаңтардағы Заңының 7-бабы 2-тармағының

3-1) тармақшасына сәйкес БҰЙЫРАМЫН:

1. Қоса беріліп отырған Отандық тауар өндірушілердің және жұмыстарды, көрсетілетін қызметтерді отандық жеткізушілердің тізілімін қалыптастыру және жүргізу қағидасы бекітілсін. 

2. Қазақстан Республикасы Қорғаныс және аэроғарыш өнеркәсібі министрлігінің Қорғаныс өнеркәсібі кешенін дамыту департаменті Қазақстан Республикасының заңнамасында белгілеген тәртіппен:

1)   осы бұйрықтың Қазақстан Республикасының Әділет министрлігінде мемлекеттік тіркелуін;

2)  осы бұйрықты мемлекеттік тіркеген күннен бастап күнтізбелік он күн ішінде оның көшірмелерін қағаз және электронды түрде мемлекеттік және орыс тілдерінде шаруашылық жүргізу құқығындағы «Республикалық құқықтық ақпарат орталығы» республикалық мемлекеттік кәсіпорнына ресми түрде жариялау және Қазақстан Республикасы нормативтік құқықтық актілерінің эталондық бақылау банкіне қосу үшін жолдауды;

3)  осы бұйрықты Қазақстан Республикасы Қорғаныс және аэроғарыш өнеркәсібі министрлігінің интернет-ресурсына орналастыруды;

4)  осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Қорғаныс және аэроғарыш өнеркәсібі министрлігінің Заң департаментіне осы тармақтың 1), 2) және 3) тармақшаларына сәйкес іс-шаралардың орындалғаны туралы мәліметті ұсынуды қамтамасыз етсін.

3. Осы бұйрықтың орындалуын бақылау Қазақстан Республикасы қорғаныс және аэроғарыш өнеркәсібінің жетекшілік ететін вице-министріне жүктелсін.

4. Осы бұйрық алғаш ресми жарияланған күнінен бастап күнтізбелік он күн өткеннен кейін қолданысқа енгізіледі.

        Қазақстан Республикасының

Қорғаныс және аэроғарыш өнеркәсібі

                        министрі                                                             Б. Атамқұлов

 

 

«КЕЛІСІЛДІ»

Қазақстан Республикасының

Ұлттық экономика министрі

 

__________________

2017 жылғы «___» _________

 

«КЕЛІСІЛДІ»

Қазақстан Республикасының Қорғаныс министрі

 

__________________

2017 жылғы «___» _________

 

«КЕЛІСІЛДІ»

Қазақстан Республикасының

Қаржы министрі

 

__________________

2017 жылғы «___» _________

 

 

«КЕЛІСІЛДІ»

Қазақстан Республикасының

Ішкі істер министрі

 

__________________

2017 жылғы «___» _________

 

 

 

 

 

 

 

 

 

 

Қазақстан Республикасы Қорғаныс және аэроғарыш өнеркәсібі министрінің 2017 жылғы «   » ________

№ __________бұйрығымен

бекітілген

Отандық тауар өндірушілер және жұмыстарды, көрсетілетін қызметтерді отандық берушілер тізілімін қалыптастыру және жүргізу ережесі



1. Жалпы ережелер

1.   Осы Отандық тауар өндірушілер және жұмыстарды, көрсетілетін қызметтерді отандық берушілер тізілімін қалыптастыру және жүргізу ережесі (бұдан әрі – Ереже) «Мемлекеттік қорғаныстық тапсырыс туралы»

2001 жылғы 19 қаңтардағы Қазақстан Республикасы Заңының 7-бабы

2-тармағының 3-1) тармақшасына сәйкес әзірленді және  отандық тауар өндірушілер және жұмыстарды, көрсетілетін қызметтерді отандық берушілер тізілімін қалыптастыру және жүргізу тәртібін (бұдан әрі – Тізілім) айқындайды.

2.   Тізілімді жүргізу тәртібіне Қазақстан Республикасының Үкіметі айқындаған мемлекеттік қорғаныстық тапсырыс операторлары қорғаныс өнеркәсібі және мемлекеттік қорғаныстық тапсырыс саласындағы уәкілетті органға (бұдан әрі – уәкілетті орган), оларды Тізілімге қосу үшін, әскери және қосарланған мақсаттағы (қолданыстағы) тауарларды отандық өндірушілер және әскери мақсаттағы жұмыстарды және көрсетілетін қызметтерді отандық берушілер туралы ақпараттар, құжаттар және мәліметтер және операторлардың тізілімді қалыптастыруы және жүргізуі жатады.

3.   Тізілім Осы Ережеге 1-қосымшаға сәйкес нысан бойынша жүргізіледі.

4.   Тізілім мемлекеттің қорғанысы мен қауiпсiздiгiнiң қажеттіліктерін қамтамасыз ету мақсатында мемлекеттiк қорғаныстық тапсырыс шеңберінде мемлекеттік тапсырыс берушілер үшін тауарлар (өнімдер) өндіретін және жұмыстар мен көрсетілетін қызметтер беретін әскери және қосарланған мақсаттағы (қолданыстағы) тауарларды (өнімдерді) отандық өндірушілер және әскери мақсаттағы жұмыстарды және қызметтерді отандық берушілер туралы мәліметтерді құрайды,

5.    Операторлар тізілімді мемлекеттік қорғаныстық тапсырыс туралы заңнамаға сәйкес мемлекеттік қорғаныстық тапсырыс орындаушыларын таңдауды жүзеге асыру мақсатында жүргізеді.

6.   Ережеде Заңда көзделген ұғымдар пайдаланылады және барлық мемлекеттік қорғаныстық тапсырыс операторларына және әскери және қосарланған мақсаттағы (қолданыстағы) тауарларды (өнімдерді) отандық өндірушілерге және әскери мақсаттағы жұмыстарды және қызметтерді отандық берушілерге таралады.

7.   Тізілімге осы Ереженің 2-бөлімінде көзделген критерияларға жауап беретін әскери және қосарланған мақсаттағы (қолданыстағы) тауарларды (өнімдерді) отандық өндірушілер және әскери мақсаттағы жұмыстарды және қызметтерді отандық берушілер енгізілуге жатады.

2. Отандық тауар өндірушілер және жұмыстарды, көрсетілетін қызметтерді отандық берушілер тізілімін қалыптастыру және жүргізу

8.   Бекітілген Тізілім, сондай-ақ оған енгізілген өзгерістер уәкілетті органның ресми интернет-ресурсында жарияланады.

9.   Тізілімді қалыптастыру және жүргізу, Тізілімде бар әскери және қосарланған мақсаттағы (қолданыстағы) тауарларды (өнімдерді) отандық өндірушілер және әскери мақсаттағы жұмыстарды және қызметтерді отандық берушілер туралы мәліметтерді қосу, одан алу, сондай-ақ өзгерістер енгізу жолымен жүзеге асырылады.

10.   Операторлар Тізілімді қалыптастыруды әскери және қосарланған мақсаттағы (қолданыстағы) тауарларды (өнімдерді) отандық өндірушілер және әскери мақсаттағы жұмыстарды және қызметтерді отандық берушілер берген өтінімдер негізінде осы Ережеге 2-қосымшаға сәйкес нысан бойынша жүзеге асырады.

11.   Өтінімге мынадай құжаттар қоса тіркеледі:

1)  Тізілімге қосу туралы заңды тұлғаның (жеке кәсіпкер) бірінші басшысы қол қойған өтініш;

2)  заңды тұлғаның (филиалдың, өкілдіктің) мемлекеттік тіркеу (қайта тіркеу) туралы куәлігінің көшірмесі, не жеке сәйкестендіру нөмірін және (немесе) бизнес сәйкестендіру нөмірін көрсете отырып, мемлекеттік (есепке алу) тіркеу туралы анықтаманың көшірмесі;

3) «Рұқсаттар және хабарламалар туралы» 2014 жылғы 16 мамырдағы Қазақстан Республикасының Заңына сәйкес міндетті лицензиялауға жататын қызметтің тиісті түрін жүзеге асыруға құқық беретін лицензияның және (немесе)  «Е-лицензиялау» www.elicense.kz. веб-порталынан лицензияның нотариалды расталған көшірмесі;

4) тауарларды (өнімдерді), жұмыстар мен көрсетілетін қызметтерді өндіру үшін қажетті, тапсырыс беруші айқындаған көлемде қорғаныстық тапсырыс мәні болып табылатын өндірістік үй-жайлардың, технологиялық жабдықтардың және білікті мамандардың болуы.

Ғылыми-зерттеу және тәжірибелік-конструкторлық жұмыстар саласында мамандандырылған орындаушыларда арнайы экономикалық аймақта орналасқан өндірістік (қоймалық) үй-жайлардың және меншік құқығындағы технологиялық жабдықтардың болуы да міндетті емес.

Осы тармақта көзделген өтініш пен құжаттар қағаз түрінде беріледі.

Оператор Тізілімге қосу туралы өтінішті күнтізбелік 30 (отыз) күннен артық емес мерзімде, Ереженің осы тармағында көрсетілген құжаттарды ұсынған кезде ғана қарайды.

Өтінішті қарау мерзімі талап етілетін құжаттарды қоса отырып, өтініш берілген күннен бастап есептеледі.

12.   Әскери және қосарланған мақсаттағы (қолданыстағы) тауарларды (өнімдерді) отандық өндірушілер және әскери мақсаттағы жұмыстарды және қызметтерді отандық берушілер өтінім бергеннен кейін, мемлекеттік қорғаныстық тапсырыс операторлары уәкілетті органның мекенжайына Тізілімге енгізуге ұсынылатын әскери және қосарланған мақсаттағы (қолданыстағы) тауарларды (өнімдерді) отандық өндірушілердің және әскери мақсаттағы жұмыстарды және қызметтерді отандық берушілердің жиынтық тізбесін жолдайды.

13.   Уәкілетті орган Тізілімге енгізуге ұсынылатын әскери және қосарланған мақсаттағы (қолданыстағы) тауарларды (өнімдерді) отандық өндірушілердің және әскери мақсаттағы жұмыстарды және қызметтерді отандық берушілердің жиынтық тізбесін операторлар уәкілетті органның мекенжайына ұсынған сәттен бастап 30 күнтізбелік күн ішінде келіседі.

14.   Тізілімге Қазақстан Республикасының резиденттері болып табылатын және осы Ереженің 11-тармағында көрсетілген толық құжаттардың пакетін ұсынған әскери және қосарланған мақсаттағы (қолданыстағы) тауарларды (өнімдерді) отандық өндірушілер және әскери мақсаттағы жұмыстарды және қызметтерді отандық берушілер енгізілуге жатады.

15.   Мемлекеттік қорғаныстық тапсырыс операторлары ұсынған әскери және қосарланған мақсаттағы (қолданыстағы) тауарларды (өнімдерді) отандық өндірушілердің және әскери мақсаттағы жұмыстарды және қызметтерді отандық берушілердің жиынтық тізбелерін келісу нәтижелері бойынша уәкілетті орган мынадай бұйрық шығарады:

Тізілімді бекіту туралы;

Тізілімге өзгерістер және (немесе) толықтырулар енгізу туралы.

Тізілімді бекіткеннен, сондай-ақ Тізілімге өзгерістер мен толықтырулар енгізгеннен кейін, уәкілетті органның ресми сайтында жариялануға жатады. 

16.   Тізілімге өзгерістер және (немесе) толықтырулар енгізген кезде уәкілетті орган сондай шешім қабылдаған сәттен бастап он жұмыс күні ішінде осы туралы операторларға, жұмыста ескеру үшін, жазбаша хабарлайды.

17.   Осы Ереженің 14-тармағында көзделген талаптарға жауап бермейтін тауар өндірушілер мен берушілер алынып тасталуға жатады.

Сондай-ақ олармен қорғаныстық тапсырысты орындауға жасасқан шарттары бойынша өз міндеттемелерін орындамаған, не тиісінше деңгейде орындамаған тауар өндірушілер мен берушілер алынып тасталуға жатады.

____________________

Отандық тауар өндірушілер және жұмыстарды, көрсетілетін қызметтерді отандық берушілер тізілімін қалыптастыру және жүргізу ережесіне

қосымша

 

Нысан

 

Отандық тауар өндірушілер және жұмыстарды, көрсетілетін қызметтерді отандық берушілер тізілімі

 

Р/с№

Өндірушінің/

берушінің атауы

Қызмет бағыты

Тіркелу орны

Өндіріс/

қызмет көрсету орны

Тізілімге енгізу туралы бұйрықтың күні мен нөмірі

Тізілімнен алынып тасталуы туралы бұйрықтың күні мен нөмірі

 

 

 

 

 

 

 

 

 

 

 

 

 

 

 

 

 

 

 

 

 

 

Мобильді нұсқа RSS Сайт картасы